Plutarch, Amatorius, section 23

(플루타르코스, Amatorius, section 23)

"πολλῶν δὲ τοιούτων γεγονότων καὶ παρ’ ἡμῖν καὶ παρὰ τοῖσ βαρβάροισ, τίσ ἂν ἀνάσχοιτο τῶν τὴν Ἀφροδίτην λοιδορούντων, ὡσ Ἔρωτι προσθεμένη καὶ παροῦσα κωλύει φιλίαν γενέσθαι; "τὴν μὲν οὖν πρὸσ ἄρρεν’, ἄρρενοσ ὁμιλίαν, μᾶλλον δ’ ἀκρασίαν καὶ ἐπιπήδησιν, εἴποι τισ ἂν ἐννοήσασ ὕβρισ τάδ’ οὐχὶ Κύπρισ ἐξεργάζεται. "διὸ τοὺσ μὲν ἡδομένουσ τῷ πάσχειν εἰσ τὸ χείριστον τιθέμενοι γένοσ κακίασ οὔτε πίστεωσ μοῖραν οὔτ’ αἰδοῦσ οὔτε φιλίασ νέμομεν, ἀλλ’ ὡσ ἀληθῶσ κατὰ τὸν Σοφοκλέα φίλων τοιούτων οἱ μὲν ἐστερημένοι χαίρουσιν, οἱ δ’ ἔχοντεσ εὔχονται φυγεῖν. ὅσοι δὲ μὴ κακοὶ πεφυκότεσ ἐξηπατήθησαν ἢ κατεβιάσθησαν ἐνδοῦναι καὶ παρασχεῖν ἑαυτούσ, οὐδένα μᾶλλον ἀνθρώπων ἢ τοὺσ διαθέντασ ὑφορώμενοι καὶ μισοῦντεσ διατελοῦσι καὶ πικρῶσ ἀμύνονται καιροῦ παραδόντοσ. "Ἀρχέλαόν τε γὰρ ἀπέκτεινε Κρατέασ ἐρώμενοσ γεγονώσ, καὶ τὸν Φεραῖον Ἀλέξανδρον Πυθόλαοσ. "Περίανδροσ δ’ ὁ Ἀμβρακιωτῶν τύραννοσ ἠρώτα τὸν ἐρώμενον εἰ μήπω κυεῖ, κἀκεῖνοσ παροξυνθεὶσ ἀπέκτεινεν αὐτόν. ἀλλὰ γυναιξὶ γε γαμέταισ ἀρχαὶ ταῦτα φιλίασ, ὥσπερ ἱερῶν μεγάλων κοινωνήματα. "καὶ τὸ τῆσ ἡδονῆσ μικρόν, ἡ δ’ ἀπὸ ταύτησ ἀναβλαστάνουσα καθ’ ἡμέραν τιμὴ καὶ χάρισ καὶ ἀγάπησισ ἀλλήλων καὶ πίστισ οὔτε Δελφοὺσ ἐλέγχει ληροῦντασ, ὅτι τὴν Ἀφροδίτην Ἄρμα καλοῦσιν, οὔθ’ Ὅμηρον φιλότητα τὴν τοιαύτην προσαγορεύοντα συνουσίαν· "τόν τε Σόλωνα μαρτυρεῖ γεγονέναι τῶν γαμικῶν ἐμπειρότατον νομοθέτην, κελεύσαντα μὴ ἔλαττον ἢ τρὶσ κατὰ μῆνα τῇ γαμετῇ πλησιάζειν, οὐχ ἡδονῆσ ἕνεκα πόθεν; "̓ ἀλλ’ ὥσπερ αἱ πόλεισ διὰ χρόνου σπονδὰσ ἀνανεοῦνται πρὸσ ἀλλήλασ, οὕτωσ ἄρα βουλόμενον ἀνανεοῦσθαι τὸν γάμον ἐκ τῶν ἑκάστοτε συλλεγομένων ὀχλημάτων ἐν τῇ τοιαύτῃ φιλοφροσύνῃ. ἀλλὰ πολλὰ φαῦλα καὶ μανικὰ τῶν γυναικείων ἐρώτων. "τί δ’ οὐχὶ πλείονα τῶν παιδικῶν; "οἰκειότητοσ ἐμβλέπων ὠλίσθανον ἀγένειοσ ἁπαλὸσ καὶ νεανίασ καλόσ, ἐμφύντ’ ἀποθανεῖν κἀπιγράμματοσ τυχεῖν. ἀλλ’ ὥσπερ τοῦτο παιδομανία, οὕτωσ ἐκεῖνο γυναικομανία τὸ πάθοσ, οὐδέτερον δ’ Ἔρωσ ἐστίν. ἄτοπον οὖν τὸ γυναιξὶν ἀρετῆσ φάναι μηδ’ ἄλλησ μετεῖναι· "τί δὲ δεῖ λέγειν περὶ σωφροσύνησ καὶ συνέσεωσ αὐτῶν, ἔτι δὲ πίστεωσ καὶ δικαιοσύνησ, ὅπου καὶ τὸ ἀνδρεῖον καὶ τὸ θαρραλέον καὶ τὸ μεγαλόψυχον ἐν πολλαῖσ ἐπιφανὲσ; "γέγονε; "τὸ δὲ πρὸσ τἄλλα καλὴν τὴν φύσιν αὐτῶν, ἀλλὰ ψέγοντασ εἰσ μόνην φιλίαν ἀνάρμοστον ἀποφαίνειν, παντάπασι δεινόν. καὶ γὰρ φιλότεκνοι καὶ φίλανδροι καὶ τὸ στερκτικὸν ὅλωσ ἐν αὐταῖσ, ὥσπερ εὐφυὴσ χώρα καὶ δεκτικὴ φιλίασ, οὔτε πειθοῦσ οὔτε χαρίτων ἄμοιρον ὑπόκειται. "καθάπερ δὲ λόγῳ ποίησισ ἡδύσματα μέλη καὶ μέτρα καὶ ῥυθμοὺσ ἐφαρμόσασα καὶ τὸ παιδεῦον αὐτοῦ κινητικώτερον ἐποίησε καὶ τὸ βλάπτον ἀφυλακτότερον οὕτωσ ἡ φύσισ γυναικὶ περιθεῖσα χάριν ὄψεωσ καὶ φωνῆσ πιθανότητα καὶ μορφῆσ ἐπαγωγὸν εἶδοσ, τῇ μὲν ἀκολάστῳ πρὸσ ἡδονὴν καὶ ἀπάτην τῇ δὲ σώφρονι πρὸσ εὔνοιαν ἀνδρὸσ καὶ φιλίαν μεγάλα συνήργησεν. "ὁ μὲν οὖν Πλάτων τὸν Ξενοκράτη, τἄλλα γενναῖον ὄντα καὶ μέγαν αὐστηρότατον δὲ τῷ ἤθει, παρεκάλει θύειν ταῖσ Χάρισι. "χρηστῇ δ̓ ἄν τισ γυναικὶ καὶ σώφρονι παραινέσειε τῷ Ἔρωτι θύειν, ὅπωσ εὐμενὴσ συνοικουρῇ τῷ γάμῳ καὶ ἡδὺσ γυναικείοισ, καὶ μὴ πρὸσ ἑτέραν ἀπορρυεὶσ ὁ ἀνὴρ ἀναγκάζηται τὰσ ἐκ τῆσ κωμῳδίασ λέγειν φωνὰσ οἱάν ἀδικῶ γυναῖχ’ ὁ δυσδαίμων ἐγώ. τὸ γὰρ ἐρᾶν ἐν γάμῳ τοῦ ἐρᾶσθαι μεῖζον ἀγαθὸν ἐστι· "πολλῶν γὰρ ἁμαρτημάτων ἀπαλλάττει, μᾶλλον δὲ πάντων ὅσα διαφθείρει καὶ λυμαίνεται τὸν γάμον.

일치하는 문장이 없습니다.

SEARCH

MENU NAVIGATION