Plutarch, Amatorius, section 18 4:

(플루타르코스, Amatorius, section 18 4:)

"ὦ πρὸσ τοῦ Διόσ, οὐ θεοληψία καταφανήσ; "οὗτοσ οὐ δαιμόνιοσ σάλοσ τῆσ ψυχῆσ; "τί τοσοῦτον ἡ Πυθία πέπονθεν ἁψαμένη τοῦ τρίποδοσ; "τίνα τῶν ἐνθεαζομένων οὕτωσ ὁ αὐλὸσ καὶ τὰ μητρῷα καὶ τὸ τύμπανον ἐξίστησιν; "ἡμῖν ταὐτὸ σῶμα πολλοὶ καὶ ταὐτὸ κάλλοσ ὁρῶσιν, εἴληπται δ’ εἷσ ὁ ἐρωτικόσ διὰ τίν’ αἰτίαν; "οὐ γὰρ μανθάνομὲν γέ που τοῦ Μενάνδρου λέγοντοσ οὐδὲ συνίεμεν, καιρόσ ἐστιν ἡ νόσοσ ψυχῆσ, ὁ πληγεὶσ δ’ εἴσω δὴ τιτρώσκεται. "ἀλλ’ ὁ θεὸσ αἴτιοσ τοῦ μὲν καθαψάμενοσ τὸν δ’ ἐάσασ. "ὃ τοίνυν ἐν ἀρχῇ καιρὸν εἶχε ῥηθῆναι μᾶλλον οὐδὲ νῦν ὅτι νῦν ἦλθεν ἐπὶ στόμα α’ κατ’ Αἰσχύλον ἄρρητον ἐάσειν μοι δοκῶ· "καὶ γάρ ἐστι παμμέγεθεσ. "ἴσωσ μὲν γάρ, ὦ ἑταῖρε, καὶ τῶν ἄλλων ἁπάντων, ὅσα μὴ δι’ αἰσθήσεωσ ἡμῖν εἰσ ἔννοιαν ἥκει, τὰ μὲν μύθῳ τὰ δὲ νόμῳ τὰ δὲ λόγῳ πίστιν ἐξ ἀρχῆσ ἔσχηκε· "τῆσ δ’ οὖν περὶ θεῶν δόξησ καὶ παντάπασιν ἡγεμόνεσ καὶ διδάσκαλοι γεγόνασιν ἡμῖν οἵ τε ποιηταὶ καὶ οἱ νομοθέται καὶ τρίτον οἱ φιλόσοφοι, τὸ μὲν εἶναι θεοὺσ ὁμοίωσ τιθέμενοι, πλήθουσ δὲ πέρι καὶ τάξεωσ αὐτῶν οὐσίασ τε καὶ δυνάμεωσ μεγάλα διαφερόμενοι πρὸσ ἀλλήλουσ. "ἐκεῖνοι μὲν γὰρ οἱ τῶν φιλοσόφων ἄνοσοι καὶ ἀγήραοι πόνων τ’ ἄπειροι, βαρυβόαν πορθμὸν πεφευγότεσ Ἀχέροντοσ· "ὅθεν οὐ προσίενται ποιητικὰσ Ἔριδασ οὐ Λιτάσ, οὐ Δεῖμον οὐδὲ Φόβον ἐθέλουσι θεοὺσ εἶναι καὶ παῖδασ Ἄρεοσ ὁμολογεῖν μάχονται δὲ περὶ πολλῶν καὶ τοῖσ νομοθέταισ, ὥσπερ ,Ξενοφάνησ Αἰγυπτίουσ ἐκέλευσε τὸν Ὄσιριν, εἰ θνητὸν νομίζουσι, μὴ τιμᾶν ὡσ θεόν, εἰ δὲ θεὸν ἡγοῦνται μὴ θρηνεῖν. αὖθισ δὲ ποιηταὶ καὶ νομοθέται, φιλοσόφων ἰδέασ τινὰσ καὶ ἀριθμοὺσ μονάδασ τε καὶ πνεύματα θεοὺσ ποιουμένων, οὔτ’ ἀκούειν ὑπομένουσιν οὔτε συνιέναι δύνανται. "πολλὴν δ’ ὅλωσ ἀνωμαλίαν ἔχουσιν αἱ δόξαι καὶ διαφοράν. ὥσπερ οὖν ἦσάν ποτε τρεῖσ στάσεισ Ἀθήνησι, Παράλων Ἐπακρίων Πεδιέων, χαλεπῶσ ἔχουσαι καὶ διαφερόμεναι πρὸσ ἀλλήλασ· "ἔπειτα δὲ πάντεσ ἐν ταὐτῷ γενόμενοι καὶ τὰσ ψήφουσ λαβόντεσ ἤνεγκαν πάσασ Σόλωνι, καὶ τοῦτον εἵλοντο κοινῇ διαλλακτὴν καὶ ἄρχοντα καὶ νομοθέτην, ὃσ ἔδοξε τῆσ ἀρετῆσ ἔχειν ἀδηρίτωσ τὸ πρωτεῖον· "οὕτωσ αἱ τρεῖσ στάσεισ αἱ περὶ θεῶν διχοφρονοῦσαι καὶ ψῆφον ἄλλην ἄλλη φέρουσαι, καὶ μὴ δεχόμεναι ῥᾳδίωσ τὸν ἐξ ἑτέρασ περὶ ἑνὸσ βεβαίωσ ὁμογνωμονοῦσι, καὶ κοινῇ τὸν Ἔρωτα συνεγγράφουσιν εἰσ θεοὺσ ποιητῶν οἱ κράτιστοι καὶ νομοθετῶν καὶ φιλοσόφων ἀθρόᾳ φωνᾷ μέγ’ ἐπαινέοντεσ ὥσπερ ἔφη τὸν Πιττακὸν ὁ Ἀλκαῖοσ αἱρεῖσθαι τοὺσ Μυτιληναίουσ τύραννον. "ἡμῖν δὲ βασιλεὺσ καὶ ἄρχων καὶ ἁρμοστὴσ ὁ Ἔρωσ ὑφ’ Ἡσιόδου καὶ Πλάτωνοσ καὶ Σόλωνοσ ἀπὸ τοῦ Ἑλικῶνοσ εἰσ τὴν Ἀκαδήμειαν ἐστεφανωμένοσ κατάγεται καὶ κεκοσμημένοσ εἰσελαύνει πολλαῖσ συνωρίσι φιλίασ καὶ κοινωνίασ, οὐχ οἱάν Εὐριπίδησ φησὶν ἀχαλκεύτοισιν ἐζεῦχθαι πέδαισ, ψυχρὰν οὗτόσ γε καὶ βαρεῖαν ἐν χρείᾳ περιβαλὼν ὑπ’ αἰσχύνησ ἀνάγκην, ἀλλ’ ὑποπτέρου φερομένησ ἐπὶ τὰ κάλλιστα τῶν ὄντων καὶ θειότατα, περὶ ὧν ἑτέροισ εἴρηται βέλτιον.

일치하는 문장이 없습니다.

SEARCH

MENU NAVIGATION