Plutarch, Amatorius, section 17 32:

δωρητικὸσ δὲ καὶ ἁπλοῦσ καὶ μεγαλόφρων γίγνεται πᾶσ ἐραστήσ, κἂν γλίσχροσ πρότερον, τῆσ μικρολογίασ καὶ φιλαργυρίασ δίκην σιδήρου διὰ πυρὸσ ἀνιεμένησ· ὥστε χαίρειν τοῖσ ἐρωμένοισ διδόντασ, ὡσ παρ’ ἑτέρων οὐ χαίρουσιν αὐτοὶ λαμβάνοντεσ ἴστε γὰρ δήπου, ὡσ Ἀνύτῳ τῷ Ἀνθεμίωνοσ, ἐρῶντι μὲν Ἀλκιβιάδου ξένουσ δ’ ἑστιῶντι φιλοτίμωσ καὶ λαμπρῶσ, ἐπεκώμασεν ὁ Ἀλκιβιάδησ καὶ λαβὼν ἀπὸ τῆσ τραπέζησ εἰσ ἣμισυ τῶν ἐκπωμάτων ἀπῆλθεν.