Plutarch, Amatorius, section 4 2:

(플루타르코스, Amatorius, section 4 2:)

"γάμον καὶ σύνοδον ἀνδρὸσ καὶ γυναικόσ, ἧσ οὐ γέγονεν οὐδ’ ἔστιν ἱερωτέρα κατάζευξισ; "ἀναγκαῖα πρὸσ γένεσιν ὄντα σεμνύνουσιν οὐ φαύλωσ οἱ νομοθέται καὶ κατευλογοῦσι πρὸσ τοὺσ πολλούσ· "ἀληθινοῦ δ’ Ἔρωτοσ οὐδ’ ὁτιοῦν τῇ γυναικωνίτιδι μέτεστιν, οὐδ’ ἐρᾶν ὑμᾶσ ἔγωγέ φημι τοὺσ γυναιξὶ προσπεπονθότασ ἢ παρθένοισ, ὥσπερ οὐδὲ μυῖαι γάλακτοσ οὐδὲ μέλιτται κηρίων ἐρῶσιν, οὐδὲ σιτευταὶ καὶ μάγειροι φίλα φρονοῦσι πιαίνοντεσ ὑπὸ σκότῳ μόσχουσ καὶ ὄρνιθασ. "ἀλλ’ ὥσπερ ἐπὶ σιτίον ἄγει καὶ ὄψον ἡ φύσισ μετρίωσ καὶ ἱκανῶσ τὴν ὄρεξιν, ἡ δ’ ὑπερβολὴ πάθοσ ἐνεργασαμένη λαιμαργία τισ ἢ φιλοψία καλεῖται· "οὕτωσ ἔνεστι τῇ φύσει τὸ δεῖσθαι τῆσ ἀπ’ ἀλλήλων ἡδονῆσ γυναῖκασ καὶ ἄνδρασ, τὴν δ’ ἐπὶ τοῦτο κινοῦσαν ὁρμὴν σφοδρότητι καὶ ῥώμῃ γενομένην πολλὴν καὶ δυσκάθεκτον οὐ προσηκόντωσ Ἔρωτα καλοῦσιν. "ἔρωσ γὰρ εὐφυοῦσ καὶ νέασ ψυχῆσ ἁψάμενοσ εἰσ ἀρετὴν διὰ φιλίασ τελευτᾷ· "ταῖσ δὲ πρὸσ γυναῖκασ ἐπιθυμίαισ ταύταισ, ἂν ἄριστα πέσωσιν, ἡδονὴν περίεστι καρποῦσθαι καὶ ἀπόλαυσιν ὡρ́ασ καὶ σώματοσ, ὡσ ἐμαρτύρησεν Ἀρίστιπποσ, τῷ κατηγοροῦντι Λαΐδοσ πρὸσ αὐτὸν ὡσ οὐ φιλούσησ ἀποκρινάμενοσ, ὅτι καὶ τὸν οἶνον οἰέται καὶ τὸν ἰχθῦν μὴ φιλεῖν αὐτόν, ἀλλ’ ἡδέωσ ἑκατέρῳ χρῆται· "τέλοσ γὰρ ἐπιθυμίασ ἡδονὴ καὶ ἀπόλαυσισ. "ἔρωσ δὲ προσδοκίαν φιλίασ ἀποβαλὼν οὐκ ἐθέλει παραμένειν οὐδὲ θεραπεύειν ἐφ’ ὡρ́ᾳ τὸ λυποῦν καὶ ἀκμάζον, εἰ καρπὸν ἤθουσ οἰκεῖον εἰσ φιλίαν καὶ ἀρετὴν οὐκ ἀποδίδωσιν. "ἀκούεισ δέ τινοσ τραγικοῦ γαμέτου λέγοντοσ πρὸσ τὴν γυναῖκα μισεῖσ; "ἐγὼ δὲ ῥᾳδίωσ μισήσομαι, πρὸσ κέρδοσ ἕλκων τὴν ἐμὴν ἀτιμίαν. "τούτου γὰρ οὐδέν ἐστιν ἐρωτικώτεροσ ὁ μὴ διὰ κέρδοσ ἀλλ’ ἀφροδισίων ἕνεκα καὶ συνουσίασ ὑπομένων γυναῖκα μοχθηρὰν καὶ ἄστοργον ὥσπερ Στρατοκλεῖ τῷ ῥήτορι Φιλιππίδησ ὁ κωμικὸσ ἐπεγγελῶν ἐποίησεν ἀποστρεφομένησ τὴν κορυφὴν φιλεῖσ μόλισ εἰ δ’ οὖν καὶ τοῦτο τὸ πάθοσ δεῖ καλεῖν Ἔρωτα, θῆλυν καὶ νόθον ὥσπερ εἰσ Κυνόσαργεσ συντελοῦντα τὴν γυναικωνῖτιν· "μᾶλλον δ’ ὥσπερ ἀετὸν τινα λέγουσι γνήσιον καὶ ὀρεινόν, ὃν Ὅμηροσ μέλανα καὶ θηρευτήν προσεῖπεν ἄλλα δὲ γένη νόθων ἐστὶν ἰχθῦσ περὶ ἕλη καὶ ὄρνιθασ ἀργοὺσ λαμβανόντων, ἀπορούμενοι δὲ πολλάκισ ἀναφθέγγονταί τι λιμῶδεσ καὶ ὀδυρτικόν· "οὕτωσ εἷσ Ἔρωσ ὁ γνήσιοσ ὁ παιδικόσ ἐστιν, οὐ πόθῳ στίλβων, ὡσ ἔφη τὸν παρθένιον Ἀνακρέων, οὐδὲ μύρων ἀνάπλεωσ καὶ γεγανωμένοσ, ἀλλὰ λιτὸν αὐτὸν ὄψει καὶ ἄθρυπτον ἐν σχολαῖσ φιλοσόφοισ ἤ που περὶ γυμνάσια καὶ παλαίστρασ περὶ θήραν νέων ὀξὺ μάλα καὶ γενναῖον ἐγκελευόμενον πρὸσ ἀρετὴν τοῖσ ἀξίοισ ἐπιμελείασ. "τὸν δ’ ὑγρὸν τοῦτον καὶ οἰκουρὸν ἐν κόλποισ διατρίβοντα καὶ κλινιδίοισ γυναικῶν ἀεὶ διώκοντα τὰ μαλθακὰ καὶ θρυπτόμενον ἡδοναῖσ ἀνάνδροισ καὶ ἀφίλοισ καὶ ἀνενθουσιάστοισ καταβάλλειν ἄξιον, ὡσ καὶ Σόλων κατέβαλε· "δούλοισ μὲν γὰρ ἐρᾶν ἀρρένων παίδων ὠν ἀπεῖπε καὶ ξηραλοιφεῖν, χρῆσθαι δὲ συνουσίαισ γυναικῶν οὐκ ἐκώλυσε· "καλὸν γὰρ ἡ φιλία καὶ ἀστεῖον, ἡ δ’ ἡδονὴ κοινὸν κἀνελεύθερον. "ὅθεν οὐ δούλων ἐρᾶν παίδων ἐλευθέριόν ἐστιν οὐδ’ ἀστεῖον οὐ συνουσίασ γὰρ οὗτοσ ὁ ἔρωσ, καθάπερ τῶν γυναικῶν.

일치하는 문장이 없습니다.

SEARCH

MENU NAVIGATION