Plutarch, Amatorius, section 3 2:

καὶ τῶν ἄλλων φίλων οἱο͂ν ἐκ παρασκευῆσ τῷ μὲν ὁ Δαφναῖοσ παρῆν τῷ δ’ ὁ Πρωτογένησ ἀλλ’ οὗτοσ μὲν ἀνέδην ἔλεγε κακῶσ τὴν Ἰσμηνοδώραν· "τί οὐκ ἄν τισ προσδοκήσειεν, εἰ καὶ Πρωτογένησ ἔρωτι πολεμήσων πάρεστιν ᾧ καὶ παιδιὰ πᾶσα καὶ σπουδὴ περὶ Ἔρωτα καὶ δι’ Ἔρωτοσ, λήθη μὲν λόγων λήθη δὲ πάτρασ, οὐχ ὡσ τῷ Λαϊῴ πέντε μόνον ἡμερῶν ἀπέχοντι τῆσ πατρίδοσ; "βραδὺσ γὰρ ὁ ἐκείνου καὶ χερσαῖοσ Ἔρωσ, ὁ δὲ σὸσ ἐκ Κιλικίασ Ἀθήναζε λαιψηρὰ κυκλώσασ πτερὰ διαπόντιοσ πέτεται, τοὺσ καλοὺσ ἐφορῶν καὶ συμπλανώμενοσ.