Plato, Laws, book 12 144:

ἐοίκε γάρ. ἀλλ’ ὁ περὶ τί νοῦσ μετ’ αἰσθήσεων κραθεὶσ σωτηρία πλοίων ἔν γε χειμῶσιν καὶ ἐν εὐδίαισ γίγνοιτ’ ἄν; ἆρ’ οὐκ ἐν νηὶ κυβερνήτησ ἅμα καὶ ναῦται τὰσ αἰσθήσεισ τῷ κυβερνητικῷ νῷ συγκερασάμενοι σῴζουσιν αὑτούσ τε καὶ τὰ περὶ τὴν ναῦν; τί μήν; οὐδὲν δὴ πολλῶν δεῖ τῶν περὶ τὰ τοιαῦτα παραδειγμάτων· ἀλλ’ οἱο͂ν περὶ στρατοπέδων νοήσωμεν τίνα θέμενοι στρατηγοὶ σκοπὸν καὶ ἰατρικὴ ὑπηρεσία πᾶσα στοχάζοιτ’ ἂν τῆσ σωτηρίασ ὀρθῶσ. ἆρ’ οὐχ ἡ μὲν νίκην καὶ κράτοσ πολεμίων, ἡ δὲ ἰατρῶν τε καὶ ὑπηρετῶν ὑγιείασ σώματι παρασκευήν;