호흡부호 보기
강세부호 보기
장단부호 보기
작은 Iota 보기
모든 부호 보기
ὃ δὴ τοῖσ μὲν εὖ πολιτευομένοισ διὰ νόμων ὀρθῶν βλάβην ἂν φέροι μεγίστην πασῶν, ταῖσ δὲ πλείσταισ πόλεσιν, ἅτε οὐδαμῶσ εὐνομουμέναισ, οὐδὲν διαφέρει φύρεσθαι δεχομένουσ τε αὐτοῖσ ξένουσ καὶ αὐτοὺσ εἰσ τὰσ ἄλλασ ἐπικωμάζοντασ πόλεισ, ὅταν ἐπιθυμήσῃ τισ ἀποδημίασ ὁπῃοῦν καὶ ὁπότε, εἴτε νέοσ εἴτε καὶ πρεσβύτεροσ ὤν. τὸ δ’ αὖ μήτε ἄλλουσ δέχεσθαι μήτε αὐτοὺσ ἄλλοσε ἀποδημεῖν ἅμα μὲν οὐκ ἐγχωρεῖ τό γε παράπαν, ἔτι δὲ ἄγριον καὶ ἀπηνὲσ φαίνοιτ’ ἂν τοῖσ ἄλλοισ ἀνθρώποισ, ὀνόμασίν τε χαλεποῖσ ταῖσιν λεγομέναισ ξενηλασίαισ χρωμένουσ καὶ τρόποισ αὐθάδεσι καὶ χαλεποῖσ, ὡσ δοκοῖεν ἄν·
호흡부호 보기
강세부호 보기
장단부호 보기
작은 Iota 보기
모든 부호 보기