Plato, Laws, book 12 17:

τοῦτον δὲ εἰσ τὰ τῶν πολεμικῶν θεῶν ἱερά, ὧν ἄν τισ βούληται, γράψαντα ἀναθεῖναι μαρτύριον εἰσ τὴν τῶν ἀριστείων κρίσιν παντὸσ τοῦ βίου καὶ τὴν τῶν δευτέρων καὶ τρίτων. ἐὰν δὲ στρατεύσηται μέν τισ, μὴ ἀπαγαγόντων δὲ τῶν ἀρχόντων οἴκαδε προαπέλθῃ τοῦ χρόνου, λιποταξίου τούτων εἶναι γραφὰσ ἐν τοῖσ αὐτοῖσ οἷσ περὶ τῆσ ἀστρατείασ, ὀφλοῦσίν τε τιμωρίαι ἐπέστωσαν αἵπερ καὶ πρόσθεν ἐτέθησαν.