Plato, Laws, book 11 145:

Μηδένα κακηγορείτω μηδείσ. ὁ δὲ ἀμφισβητῶν ἔν τισι λόγοισ ἄλλοσ ἄλλῳ διδασκέτω καὶ μανθανέτω τόν τε ἀμφισβητοῦντα καὶ τοὺσ παρόντασ ἀπεχόμενοσ πάντωσ τοῦ κακηγορεῖν. ἐκ γὰρ τοῦ κατεύχεσθαί τε ἀλλήλοισ ἐπαρωμένουσ καὶ δι’ αἰσχρῶν ὀνομάτων ἐπιφέρειν γυναικείουσ ἑαυτοῖσ φήμασ, πρῶτον μὲν ἐκ λόγων, κούφου πράγματοσ, ἔργῳ μίση τε καὶ ἔχθραι βαρύταται γίγνονται·