Plato, Laws, book 11 122:

ἀραῖοσ γὰρ γονεὺσ ἐκγόνοισ ὡσ οὐδεὶσ ἕτεροσ ἄλλοισ, δικαιότατα. μὴ δή τισ ἀτιμαζομένῳ μὲν διαφερόντωσ πατρὶ πρὸσ παίδων καὶ μητρὶ θεὸν ἐπήκοον ἐν εὐχαῖσ ἡγείσθω γίγνεσθαι κατὰ φύσιν, τιμωμένῳ δὲ ἄρα καὶ περιχαρεῖ σφόδρα γενομένῳ, καὶ διὰ τὰ τοιαῦτα εὐχαῖσ λιπαρῶσ εἰσ ἀγαθὰ τοῖσ παισὶ παρακαλοῦντοσ θεούσ, οὐκ ἄρα τὰ τοιαῦτα ἀκούειν ἐξ ἴσου καὶ νέμειν ἡμῖν αὐτοὺσ ἡγησόμεθα;