Plato, Laws, book 11 95:

περὶ αὐτὰ δικαίοισ εὐμενεῖσ εἰσιν, νεμεσῶσίν τε μάλιστα αὖ τοῖσ εἰσ ὀρφανὰ καὶ ἔρημα ὑβρίζουσιν, παρακαταθήκην εἶναι μεγίστην ἡγούμενοι καὶ ἱερωτάτην ‐ οἷσ ἐπίτροπον καὶ ἄρχοντα πᾶσι δεῖ τὸν νοῦν, ᾧ καὶ βραχὺσ ἐνείη, προσέχοντα, καὶ εὐλαβούμενον περὶ τροφήν τε καὶ παιδείαν ὀρφανῶν, ὡσ ἔρανον εἰσφέροντα ἑαυτῷ τε καὶ τοῖσ αὑτοῦ, κατὰ δύναμιν πάντωσ πᾶσαν εὐεργετεῖν.