Plato, Laws, book 11 43:

μετὰ δὴ τὰ νῦν εἰρημένα, περὶ ταῦτα νόμοσ ἀγαθῇ τύχῃ τοιόσδε ἡμῖν γιγνέσθω· Μαγνήτων, οὓσ ὁ θεὸσ ἀνορθῶν πάλιν κατοικίζει, γεωμόροι ὅσοι τῶν τετταράκοντα καὶ πεντακισχιλίων ἑστιῶν εἰσιν, μήτε κάπηλοσ ἑκὼν μηδ’ ἄκων μηδεὶσ γιγνέσθω μηδ’ ἔμποροσ μήτε διακονίαν μηδ’ ἥντινα κεκτημένοσ ἰδιώταισ τοῖσ μὴ ἐξ ἴσου ἑαυτῷ, πλὴν πατρὶ καὶ μητρὶ καὶ τοῖσ ἔτι τούτων εἰσ τὸ ἄνω γένεσιν καὶ πᾶσι τοῖσ αὑτοῦ πρεσβυτέροισ, ὅσοι ἐλεύθεροι ἐλευθέρωσ.