Plato, Laws, book 10 145:

ὁ δὲ δὴ δοξάζων μὲν καθάπερ ἅτεροσ, εὐφυὴσ δὲ ἐπικαλούμενοσ, δόλου δὲ καὶ ἐνέδρασ πλήρησ, ἐξ ὧν μάντεισ τε κατασκευάζονται πολλοὶ καὶ περὶ πᾶσαν τὴν μαγγανείαν κεκινημένοι, γίγνονται δὲ ἐξ αὐτῶν ἔστιν ὅτε καὶ τύραννοι καὶ δημηγόροι καὶ στρατηγοί, καὶ τελεταῖσ δὲ ἰδίαισ ἐπιβεβουλευκότεσ, σοφιστῶν τε ἐπικαλουμένων μηχαναί. τούτων δὴ πολλὰ μὲν εἴδη γένοιτ’ ἄν, τὰ δὲ νόμων ἄξια θέσεωσ δύο, ὧν τὸ μὲν εἰρωνικὸν οὐχ ἑνὸσ οὐδὲ δυοῖν ἄξια θανάτοιν ἁμαρτάνον, τὸ δὲ νουθετήσεωσ ἅμα καὶ δεσμῶν δεόμενον.