Plato, Laws, book 10 62:

πῶσ λέγεισ; ὧδε. ὅταν ἕτερον ἄλλο ἡμῖν μεταβάλῃ καὶ τοῦτο ἄλλο ἕτερον ἀεί, τῶν τοιούτων ἆρα ἔσται ποτέ τι πρῶτον μεταβάλλον; καὶ πῶσ, ὅταν ὑπ’ ἄλλου κινῆται, τοῦτ’ ἔσται ποτὲ τῶν ἀλλοιούντων πρῶτον; ἀδύνατον γάρ. ἀλλ’ ὅταν ἄρα αὐτὸ αὑτὸ κινῆσαν ἕτερον ἀλλοιώσῃ, τὸ δ’ ἕτερον ἄλλο, καὶ οὕτω δὴ χίλια ἐπὶ μυρίοισ γίγνηται τὰ κινηθέντα, μῶν ἀρχή τισ αὐτῶν ἔσται τῆσ κινήσεωσ ἁπάσησ ἄλλη πλὴν ἡ τῆσ αὐτῆσ αὑτὴν κινησάσησ μεταβολή;