Plato, Laws, book 10 28:

ἑπόμενοί γε μὴν αὐτοῖσ σκεψώμεθα τοὺσ ἐκεῖθεν τί ποτε καὶ τυγχάνουσι διανοούμενοι. πάντωσ. ἐοίκε, φασίν, τὰ μὲν μέγιστα αὐτῶν καὶ κάλλιστα ἀπεργάζεσθαι φύσιν καὶ τύχην, τὰ δὲ σμικρότερα τέχνην, ἣν δὴ παρὰ φύσεωσ λαμβάνουσαν τὴν τῶν μεγάλων καὶ πρώτων γένεσιν ἔργων, πλάττειν καὶ τεκταίνεσθαι πάντα τὰ σμικρότερα, ἃ δὴ τεχνικὰ πάντεσ προσαγορεύομεν. πῶσ λέγεισ;