Plato, Laws, book 9 3:

ὀρθῶσ. αἰσχρὸν μὲν δή τινα τρόπον καὶ νομοθετεῖν πάντα ὁπόσα νῦν μέλλομεν τοῦτο δρᾶν, ἐν τοιαύτῃ πόλει ἥν φαμεν οἰκήσεσθαί τε εὖ καὶ τεύξεσθαι πάσησ ὀρθότητοσ πρὸσ ἐπιτήδευσιν ἀρετῆσ· ἐν δὲ τῇ τοιαύτῃ τὸ καὶ ἀξιοῦν τῆσ τῶν ἄλλων μοχθηρίασ τῶν μεγίστων ἐμφύεσθαί τινα μεθέξοντα, ὥστε δεῖν νομοθετεῖν προκαταλαμβάνοντα καὶ ἀπειλοῦντα ἐάν τισ τοιοῦτοσ γίγνηται, καὶ τούτων ἀποτροπῆσ τε ἕνεκα καὶ γενομένων κολάσεωσ τιθέναι ἐπ’ αὐτοῖσ νόμουσ, ὡσ ἐσομένουσ, ὅπερ εἶπον, αἰσχρὸν μέν τινα τρόπον.