Plato, Laws, book 8 98:

τούτων δὲ καὶ ἁπάντων τῶν τοιούτων ἐπιγνώμονέσ τε καὶ δικασταὶ καὶ τιμηταὶ γιγνέσθων ἀγρονόμοι, τῶν μὲν μειζόνων, καθάπερ ἐν τοῖσ πρόσθεν εἴρηται, πᾶσα ἡ τοῦ δωδεκατημορίου τάξισ, τῶν ἐλαττόνων δὲ οἱ φρούραρχοι τούτων. καὶ ἐάν τισ βοσκήματα ἐπινέμῃ, τὰσ βλάβασ ὁρῶντεσ κρινόντων καὶ τιμώντων. καὶ ἐὰν ἐσμοὺσ ἀλλοτρίουσ σφετερίζῃ τισ τῇ τῶν μελιττῶν ἡδονῇ συνεπόμενοσ καὶ κατακρούων οὕτωσ οἰκειῶται, τινέτω τὴν βλάβην.