Plato, Laws, book 8 57:

(플라톤, Laws, book 8 57:)

ὀρθῶσ. φιλία τοίνυν ἡ μὲν ἀπὸ ἐναντίων δεινὴ καὶ ἀγρία καὶ τὸ κοινὸν οὐ πολλάκισ ἔχουσα ἐν ἡμῖν, ἡ δ’ ἐκ τῶν ὁμοίων ἥμερόσ τε καὶ κοινὴ διὰ βίου· μεικτὴ δὲ ἐκ τούτων γενομένη πρῶτον μὲν καταμαθεῖν οὐ ῥᾳδία, τί ποτε βούλοιτ’ ἂν αὑτῷ γενέσθαι τὸν τρίτον ἔρωτά τισ ἔχων τοῦτον, ἔπειτα εἰσ τοὐναντίον ὑπ’ ἀμφοῖν ἑλκόμενοσ ἀπορεῖ, τοῦ μὲν κελεύοντοσ τῆσ ὡρ́ασ ἅπτεσθαι, τοῦ δὲ ἀπαγορεύοντοσ. ὁ μὲν γὰρ τοῦ σώματοσ ἐρῶν, καὶ τῆσ ὡρ́ασ καθάπερ ὀπώρασ πεινῶν, ἐμπλησθῆναι παρακελεύεται ἑαυτῷ, τιμὴν οὐδεμίαν ἀπονέμων τῷ τῆσ ψυχῆσ ἤθει τοῦ ἐρωμένου·

SEARCH

MENU NAVIGATION