Plato, Laws, book 8 53:

φέρε δή, τοῦτο ἐὰν συγχωρῶμεν καλὸν ἢ μηδαμῶσ αἰσχρὸν νομοθετεῖσθαι τὰ νῦν, τί μέροσ ἡμῖν συμβάλλοιτ’ ἂν πρὸσ ἀρετήν; πότερον ἐν τῇ τοῦ πεισθέντοσ ψυχῇ γιγνόμενον ἐμφύσεται τὸ τῆσ ἀνδρείασ ἦθοσ, ἢ ἐν τῇ τοῦ πείσαντοσ τὸ τῆσ σώφρονοσ ἰδέασ γένοσ; ἢ ταῦτα μὲν οὐδεὶσ ἂν πεισθείη ποτέ, μᾶλλον δὲ ἅπαν τούτου τοὐναντίον, τοῦ μὲν ταῖσ ἡδοναῖσ ὑπείκοντοσ καὶ καρτερεῖν οὐ δυναμένου ψέξει πᾶσ τὴν μαλακίαν, τοῦ δ’ εἰσ μίμησιν τοῦ θήλεοσ ἰόντοσ τὴν τῆσ εἰκόνοσ ὁμοιότητα ἆρ’ οὐ μέμψεται;