Plato, Laws, book 8 39:

μονίπποισ δὲ ἆθλα τιθέντεσ, πώλοισ τε ἀβόλοισ καὶ τελείων τε καὶ ἀβόλων τοῖσ μέσοισ καὶ αὐτοῖσ δὴ τοῖσ τέλοσ ἔχουσι, κατὰ φύσιν τῆσ χώρασ ἂν τὴν ἱππικὴν παιδιὰν ἀποδιδοῖμεν. ἔστω δὴ τούτων τε αὐτῶν κατὰ νόμον ἅμιλλά τε καὶ φιλονικία, φυλάρχοισ τε καὶ ἱππάρχοισ δεδομένη κοινὴ κρίσισ ἁπάντων τῶν τε δρόμων αὐτῶν καὶ τῶν καταβαινόντων μεθ’ ὅπλων· ψιλοῖσ δὲ ὅπλων οὔτ’ ἐν τοῖσ γυμνικοῖσ οὔτε ἐνταῦθα τιθέντεσ ἀγωνίασ ὀρθῶσ ἂν νομοθετοῖμεν.