Plato, Laws, book 8 37:

ταὐτὰ δὲ καὶ περὶ τῶν θηλειῶν ἔστω νομοθετούμενα τῶν μέχρι γάμου. πελταστικὴν δὲ ὅλην ἀντιστήσαντασ δεῖ τῇ τοῦ παγκρατίου μάχῃ, τόξοισ καὶ πέλταισ καὶ ἀκοντίοισ καὶ λίθῳ ἐκ χειρόσ τε καὶ σφενδόναισ ἁμιλλωμένων, διαθεμένουσ αὖ περὶ τούτων νόμουσ, τῷ κάλλιστα ἀποδιδόντι τὰ περὶ ταῦτα νόμιμα τὰ γέρα καὶ τὰσ νίκασ διανέμειν. τὸ δὲ μετὰ ταῦτα ἵππων δὴ περὶ ἀγῶνοσ γίγνοιτο ἑξῆσ ἂν νομοθετούμενα·