Plato, Laws, book 8 19:

καὶ τοῖσ μὲν τιμάσ, τοῖσ δὲ καὶ ἀτιμίασ διανέμων ὀρθῶσ, τὴν πόλιν ὅλην εἰσ τὸν ἀληθινὸν ἀγῶνα διὰ βίου παρασκευάζῃ χρησίμην, καὶ δὴ καί τινοσ ἀποθανόντοσ οὕτωσ, ὡσ ἀκουσίου τοῦ φόνου γενομένου, τιθῇ τὸν ἀποκτείναντα κατὰ νόμον καθαρθέντα καθαρὸν εἶναι χεῖρασ, ἡγούμενοσ ἀνθρώπων μὲν τελευτησάντων μὴ πολλῶν, ἑτέρουσ πάλιν οὐ χείρουσ φύσεσθαι, φόβου δὲ οἱο͂ν τελευτήσαντοσ, ἐν πᾶσιν τοῖσ τοιούτοισ βάσανον οὐχ εὑρήσειν τῶν τε ἀμεινόνων καὶ χειρόνων, οὐ σμικρῷ πόλει μεῖζον κακὸν ἐκείνου;