πάνυ μὲν οὖν. ἤδη τοίνυν χρὴ φάναι τέλοσ ἔχειν τά γε παιδείασ μαθημάτων πέρι νόμιμα· περὶ δὲ θήρασ ὡσαύτωσ διανοηθῆναι χρὴ καὶ περὶ ἁπάντων ὁπόσα τοιαῦτα. κινδυνεύει γὰρ δὴ νομοθέτῃ τὸ προσταττόμενον ἐπὶ μεῖζον εἶναι τοῦ νόμουσ θέντα ἀπηλλάχθαι, ἕτερον δέ τι πρὸσ τοῖσ νόμοισ εἶναι μεταξύ τι νουθετήσεώσ τε πεφυκὸσ ἅμα καὶ νόμων, ὃ δὴ πολλάκισ ἡμῶν ἐμπέπτωκεν τοῖσ λόγοισ, οἱο͂ν περὶ τὴν τῶν σφόδρα νέων παίδων τροφήν·
