Plato, Laws, book 7 132:

δεῖ δὲ εἰσ δύναμιν μηδὲν παραλείπειν αὐτῷ, πάντα δὲ λόγον ἀφερμηνεύειν, ἵνα οὗτοσ τοῖσ ἄλλοισ μηνυτήσ τε ἅμα καὶ τροφεὺσ γίγνηται. τὰ μὲν οὖν δὴ χορείασ πέρι μελῶν τε καὶ ὀρχήσεωσ ἐρρήθη, τίνα τύπον ἔχοντα ἐκλεκτέα τέ ἐστιν καὶ ἐπανορθωτέα καὶ καθιερωτέα· τὰ δὲ ἐν γράμμασι μὲν ὄντα, ἄνευ δὲ μέτρων, ποῖα καὶ τίνα μεταχειρίζεσθαι χρή σοι τρόπον, ὦ ἄριστε τῶν παίδων ἐπιμελητά, τοὺσ ὑπὸ σοῦ τρεφομένουσ, οὐκ εἰρήκαμεν.