Plato, Laws, book 7 116:

δούλοισ ἀπαρχὴν τῶν ἐκ τῆσ γῆσ ἀποτελοῦσιν ἱκανὴν ἀνθρώποισ ζῶσι κοσμίωσ, συσσίτια δὲ κατεσκευασμένα εἰή χωρὶσ μὲν τὰ τῶν ἀνδρῶν, ἐγγὺσ δ’ ἐχόμενα τὰ τῶν αὐτοῖσ οἰκείων, παίδων τε ἅμα θηλειῶν καὶ τῶν μητέρων αὐταῖσ, ἄρχουσιν δὲ καὶ ἀρχούσαισ εἰή προστεταγμένα λύειν ταῦτα ἑκάστοισ τὰ συσσίτια πάντα, καθ’ ἑκάστην ἡμέραν θεασαμένουσ καὶ ἰδόντασ τὴν διαγωγὴν τὴν τῶν συσσίτων, μετὰ δὲ ταῦτα σπείσαντασ τόν τε ἄρχοντα καὶ τοὺσ ἄλλουσ οἷσ ἂν τυγχάνῃ θεοῖσ ἡ τότε νύξ τε καὶ ἡμέρα καθιερωμένη, κατὰ ταῦτα οὕτωσ οἴκαδε πορεύεσθαι;