Plato, Laws, book 7 85:

μετά γε μὴν ταῦτα ὕμνοι θεῶν καὶ ἐγκώμια κεκοινωνημένα εὐχαῖσ ᾄδοιτ’ ἂν ὀρθότατα, καὶ μετὰ θεοὺσ ὡσαύτωσ περὶ δαίμονάσ τε καὶ ἡρ́ωασ μετ’ ἐγκωμίων εὐχαὶ γίγνοιντ’ ἂν τούτοισ πᾶσιν πρέπουσαι. πῶσ γὰρ οὔ; μετά γε μὴν ταῦτ’ ἤδη νόμοσ ἄνευ φθόνων εὐθὺσ γίγνοιτ’ ἂν ὅδε· τῶν πολιτῶν ὁπόσοι τέλοσ ἔχοιεν τοῦ βίου, κατὰ σώματα ἢ κατὰ ψυχὰσ ἔργα ἐξειργασμένοι καλὰ καὶ ἐπίπονα καὶ τοῖσ νόμοισ εὐπειθεῖσ γεγονότεσ, ἐγκωμίων αὐτοὺσ τυγχάνειν πρέπον ἂν εἰή. πῶσ δ’ οὔ;