Plato, Laws, book 7 25:

οὗ μὲν γὰρ ἂν προσφερομένου σιγᾷ, καλῶσ οἰόνται προσφέρειν, οὗ δ’ ἂν κλάῃ καὶ βοᾷ, οὐ καλῶσ. τοῖσ δὴ παιδίοισ τὸ δήλωμα ὧν ἐρᾷ καὶ μισεῖ κλαυμοναὶ καὶ βοαί, σημεῖα οὐδαμῶσ εὐτυχῆ· ἔστιν δὲ ὁ χρόνοσ οὗτοσ τριῶν οὐκ ἐλάττων ἐτῶν, μόριον οὐ σμικρὸν τοῦ βίου διαγαγεῖν χεῖρον ἢ μὴ χεῖρον. ὀρθῶσ λέγεισ. ὁ δὴ δύσκολοσ οὐδαμῶσ τε ἵλεωσ ἆρ’ οὐ δοκεῖ σφῷν θρηνώδησ τε εἶναι καὶ ὀδυρμῶν ὡσ ἐπὶ τὸ πολὺ πλήρησ μᾶλλον ἢ χρεών ἐστιν τὸν ἀγαθόν;