Plato, Laws, book 7 5:

σώματα δὲ κάλλιστα, οἰόμαι, τό γε ἁπλούστατον, ὡσ ὀρθότατα δεῖ νέων ὄντων εὐθὺσ φύεσθαι τῶν παίδων. πάνυ μὲν οὖν. τί δέ; τόδε οὐκ ἐννοοῦμεν, ὡσ ἡ πρώτη βλάστη παντὸσ ζῴου πολὺ μεγίστη καὶ πλείστη φύεται, ὥστε καὶ ἔριν πολλοῖσ παρέσχηκεν μὴ γίγνεσθαι τά γ’ ἀνθρώπινα μήκη διπλάσια ἀπὸ πέντε ἐτῶν ἐν τοῖσ λοιποῖσ εἴκοσιν ἔτεσιν αὐξανόμενα; ἀληθῆ. τί οὖν; πολλὴ αὔξη ὅταν ἐπιρρέῃ πόνων χωρὶσ πολλῶν καὶ συμμέτρων, οὐκ ἴσμεν ὅτι μυρία κακὰ ἐν τοῖσ σώμασιν ἀποτελεῖ;