Plato, Laws, book 6 230:

ὅταν δὲ δὴ παῖδασ γεννήσωνται κατὰ νόμουσ, ἐὰν ἀλλοτρίᾳ τισ περὶ τὰ τοιαῦτα κοινωνῇ γυναικὶ ἢ γυνὴ ἀνδρί, ἐὰν μὲν παιδοποιουμένοισ ἔτι, τὰ αὐτὰ ἐπιζήμια αὐτοῖσ ἔστω καθάπερ τοῖσ ἔτι γεννωμένοισ εἴρηται· μετὰ δὲ ταῦτα ὁ μὲν σωφρονῶν καὶ σωφρονοῦσα εἰσ τὰ τοιαῦτα ἔστω πάντα εὐδόκιμοσ, ὁ δὲ τοὐναντίον ἐναντίωσ τιμάσθω, μᾶλλον δὲ ἀτιμαζέσθω. καὶ μετριαζόντων μὲν περὶ τὰ τοιαῦτα τῶν πλειόνων ἀνομοθέτητα σιγῇ κείσθω, ἀκοσμούντων δὲ νομοθετηθέντα ταύτῃ πραττέσθω κατὰ τοὺσ τότε τεθέντασ νόμουσ.