Plato, Laws, book 6 211:

σχολῆσ γὰρ ἀπολαύομεν καὶ οὐδὲν ἡμᾶσ ἐστὶ τὸ κατεπεῖγον τὸ μὴ πάντῃ πάντωσ σκοπεῖν τὰ περὶ τοὺσ νόμουσ. ὀρθῶσ εἴρηκασ. πάλιν τοίνυν ἐπὶ τὰ πρῶτα ἐπαναχωρήσωμεν λεχθέντα. εὖ γὰρ δὴ τό γε τοσοῦτον χρὴ πάντ’ ἄνδρα συννοεῖν, ὡσ ἡ τῶν ἀνθρώπων γένεσισ ἢ τὸ παράπαν ἀρχὴν οὐδεμίαν εἴληχεν οὐδ’ ἕξει ποτέ γε τελευτήν, ἀλλ’ ἦν τε ἀεὶ καὶ ἔσται πάντωσ, ἢ μῆκόσ τι τῆσ ἀρχῆσ ἀφ’ οὗ γέγονεν ἀμήχανον ἂν χρόνον ὅσον γεγονὸσ ἂν εἰή. τί μήν;