Plato, Laws, book 6 64:

τὴν δὲ ἄλλην χώραν φυλάττειν πᾶσαν κατὰ τάδε. δώδεκα μὲν ἡμῖν ἡ χώρα πᾶσα εἰσ δύναμιν ἴσα μόρια νενέμηται, φυλὴ δὲ μία τῷ μορίῳ ἑκάστῳ ἐπικληρωθεῖσα κατ’ ἐνιαυτὸν παρεχέτω πέντε οἱο͂ν ἀγρονόμουσ τε καὶ φρουράρχουσ, τούτοισ δ’ ἔστω καταλέξασθαι τῆσ αὑτῶν φυλῆσ ἑκάστῳ δώδεκα τῶν πέντε ἐκ τῶν νέων, μὴ ἔλαττον ἢ πέντε καὶ εἴκοσιν ἔτη γεγονότασ, μὴ πλεῖον δὲ ἢ τριάκοντα.