Plato, Laws, book 6 49:

ταῦτα οὕτωσ διὰ ταῦτα, ὦ φίλοι, ἀναγκαῖον τὴν μέλλουσαν σῴζεσθαι δρᾶν πόλιν· ἐπειδὴ δὲ ναῦσ τε ἐν θαλάττῃ πλέουσα φυλακῆσ ἡμέρασ δεῖται καὶ νυκτὸσ ἀεί, πόλισ τε ὡσαύτωσ ἐν κλύδωνι τῶν ἄλλων πόλεων διαγομένη καὶ παντοδαπαῖσιν ἐπιβουλαῖσ οἰκεῖ κινδυνεύουσα ἁλίσκεσθαι, δεῖ δὴ δι’ ἡμέρασ τε εἰσ νύκτα καὶ ἐκ νυκτὸσ συνάπτειν πρὸσ ἡμέραν ἄρχοντασ ἄρχουσιν, φρουροῦντάσ τε φρουροῦσιν διαδεχομένουσ ἀεὶ καὶ παραδιδόντασ μηδέποτε λήγειν.