Plato, Laws, book 6 11:

ἔχει γοῦν λόγον. ἴδωμεν τοίνυν πρὸσ τοῦτο εἴ πῄ τινα πόρον ἱκανὸν πορίζοιμεν ἂν κατὰ τάδε. φημὶ γάρ, ὦ Κλεινία, Κνωσίουσ χρῆναι τῶν ἄλλων διαφερόντωσ Κρητῶν μὴ μόνον ἀφοσιώσασθαι περὶ τῆσ χώρασ ἣν νῦν κατοικίζετε, συντόνωσ δ’ ἐπιμεληθῆναι τὰσ πρώτασ ἀρχὰσ εἰσ δύναμιν ὅπωσ ἂν ἱστῶσιν ὡσ ἀσφαλέστατα καὶ ἄριστα. τὰσ μὲν οὖν ἄλλασ καὶ βραχύτερον ἔργον, νομοφύλακασ δ’ ἡμῖν πρώτουσ αἱρεῖσθαι ἀναγκαιότατον ἁπάσῃ σπουδῇ. τίνα οὖν ἐπὶ τούτῳ πόρον καὶ λόγον ἀνευρίσκομεν;