Plato, Laws, book 5 136:

μηχανᾶσθαι δὲ καὶ ἐν τοῖσ δίχα τμήμασι τὸ νυνδὴ λεγόμενον φαυλότητόσ τε καὶ ἀρετῆσ χώρασ, ἐπανισουμένουσ τῷ πλήθει τε καὶ ὀλιγότητι τῆσ διανομῆσ. νείμασθαι δὲ δὴ καὶ τοὺσ ἄνδρασ δώδεκα μέρη, τὴν τῆσ ἄλλησ οὐσίασ εἰσ ἴσα ὅτι μάλιστα τὰ δώδεκα μέρη συνταξάμενον, ἀπογραφῆσ πάντων γενομένησ· καὶ δὴ καὶ μετὰ τοῦτο δώδεκα θεοῖσ δώδεκα κλήρουσ θέντασ, ἐπονομάσαι καὶ καθιερῶσαι τὸ λαχὸν μέροσ ἑκάστῳ τῷ θεῷ, καὶ φυλὴν αὐτὴν ἐπονομάσαι.