호흡부호 보기
강세부호 보기
장단부호 보기
작은 Iota 보기
모든 부호 보기
οὐ γὰρ πειθοῖ κεραννύντεσ τὴν μάχην νομοθετοῦσιν, ἀλλ’ ἀκράτῳ μόνον τῇ βίᾳ. ἐγὼ δ’, ὦ μακάριοι, καὶ τρίτον ἔτι περὶ τοὺσ νόμουσ ὁρῶ γίγνεσθαι δέον, οὐδαμῇ τὰ νῦν γιγνόμενον. τὸ ποῖον δὴ λέγεισ; ἐξ αὐτῶν ὧν νυν<δὴ> διειλέγμεθα ἡμεῖσ κατὰ θεόν τινα γεγονόσ. σχεδὸν γὰρ ἐξ ὅσου περὶ τῶν νόμων ἤργμεθα λέγειν, ἐξ ἑωθινοῦ μεσημβρία τε γέγονε καὶ ἐν ταύτῃ παγκάλῃ ἀναπαύλῃ τινὶ γεγόναμεν, οὐδὲν ἀλλ’ ἢ περὶ νόμων διαλεγόμενοι, νόμουσ δὲ ἄρτι μοι δοκοῦμεν λέγειν ἄρχεσθαι, τὰ δ’ ἔμπροσθεν ἦν πάντα ἡμῖν προοίμια νόμων.
호흡부호 보기
강세부호 보기
장단부호 보기
작은 Iota 보기
모든 부호 보기