Plato, Laws, book 4 80:

ἐπακολουθοῖ δ’ αὐτοῖσ ἱδρύματα ἴδια πατρῴων θεῶν κατὰ νόμον ὀργιαζόμενα, γονέων δὲ μετὰ ταῦτα τιμαὶ ζώντων· ὡσ θέμισ ὀφείλοντα ἀποτίνειν τὰ πρῶτά τε καὶ μέγιστα ὀφειλήματα, χρεῶν πάντων πρεσβύτατα, νομίζειν δέ, ἃ κέκτηται καὶ ἔχει, πάντα εἶναι τῶν γεννησάντων καὶ θρεψαμένων πρὸσ τὸ παρέχειν αὐτὰ εἰσ ὑπηρεσίαν ἐκείνοισ κατὰ δύναμιν πᾶσαν, ἀρχόμενον ἀπὸ τῆσ οὐσίασ, δεύτερα τὰ τοῦ σώματοσ, τρίτα τὰ τῆσ ψυχῆσ, ἀποτίνοντα δανείσματα ἐπιμελείασ τε καὶ ὑπερπονούντων ὠδῖνασ παλαιὰσ ἐπὶ νέοισ δανεισθείσασ, ἀποδιδόντα δὲ παλαιοῖσ ἐν τῷ γήρᾳ σφόδρα κεχρημένοισ.