Plato, Laws, book 4 58:

οὐ βοῦσ βοῶν οὐδὲ αἶγασ αἰγῶν ἄρχοντασ ποιοῦμεν αὐτοῖσί τινασ, ἀλλ’ ἡμεῖσ αὐτῶν δεσπόζομεν, ἄμεινον ἐκείνων γένοσ. ταὐτὸν δὴ καὶ ὁ θεὸσ ἄρα καὶ φιλάνθρωποσ ὤν, τὸ γένοσ ἄμεινον ἡμῶν ἐφίστη τὸ τῶν δαιμόνων, ὃ διὰ πολλῆσ μὲν αὐτοῖσ ῥᾳστώνησ, πολλῆσ δ’ ἡμῖν, ἐπιμελούμενον ἡμῶν, εἰρήνην τε καὶ αἰδῶ καὶ εὐνομίαν καὶ ἀφθονίαν δίκησ παρεχόμενον, ἀστασίαστα καὶ εὐδαίμονα τὰ τῶν ἀνθρώπων ἀπηργάζετο γένη.