Plato, Laws, book 4 35:

τί μετὰ τοῦτ’ εἰπεῖν ὀρθῶσ ἔστιν ἄρα; τοῦ νομοθέτου φράζομεν τοῦτο, ἦ γάρ; ναί. τόδε· "τυραννουμένην μοι δότε τὴν πόλιν," φήσει· "τύραννοσ δ’ ἔστω νέοσ καὶ μνήμων καὶ εὐμαθὴσ καὶ ἀνδρεῖοσ καὶ μεγαλοπρεπὴσ φύσει· ὃ δὲ καὶ ἐν τοῖσ πρόσθεν ἐλέγομεν δεῖν ἕπεσθαι σύμπασιν τοῖσ τῆσ ἀρετῆσ μέρεσι, καὶ νῦν τῇ τυραννουμένῃ ψυχῇ τοῦτο συνεπέσθω, ἐὰν μέλλῃ τῶν ἄλλων ὑπαρχόντων ὄφελοσ εἶναί τι.