Plato, Laws, book 4 26:

οὐ τοίνυν εὔκολοσ ὁμοίωσ γίγνοιτ’ ἂν ὁ κατοικισμὸσ ταῖσ πόλεσιν, ὅταν μὴ τὸν τῶν ἐσμῶν γίγνηται τρόπον, ἓν γένοσ ἀπὸ μιᾶσ ἰὸν χώρασ οἰκίζηται, φίλον παρὰ φίλων, στενοχωρίᾳ τινὶ πολιορκηθὲν γῆσ ἤ τισιν ἄλλοισ τοιούτοισ παθήμασιν ἀναγκασθέν. ἔστιν δ’ ὅτε καὶ στάσεσιν βιαζόμενον ἀναγκάζοιτ’ ἂν ἑτέρωσε ἀποξενοῦσθαι πόλεώσ τι μόριον· ἤδη δέ ποτε καὶ συνάπασα πόλισ τινῶν ἔφυγεν, ἄρδην κρείττονι κρατηθεῖσα πολέμῳ. ταῦτ’ οὖν πάντ’ ἐστὶ τῇ μὲν ῥᾴω κατοικίζεσθαί τε καὶ νομοθετεῖσθαι, τῇ δὲ χαλεπώτερα.