Plato, Laws, book 4 19:

ἔνθα κε σὴ βουλὴ δηλήσεται, οἷ’ ἀγορεύεισ. ταῦτ’ οὖν ἐγίγνωσκε καὶ ἐκεῖνοσ, ὅτι κακὸν ἐν θαλάττῃ τριήρεισ ὁπλίταισ παρεστῶσαι μαχομένοισ· καὶ λέοντεσ ἂν ἐλάφουσ ἐθισθεῖεν φεύγειν τοιούτοισ ἔθεσι χρώμενοι. πρὸσ δὲ τούτοισ αἱ διὰ τὰ ναυτικὰ πόλεων δυνάμεισ ἅμα σωτηρίᾳ τιμὰσ οὐ τῷ καλλίστῳ τῶν πολεμικῶν ἀποδιδόασιν· διὰ κυβερνητικῆσ γὰρ καὶ πεντηκονταρχίασ καὶ ἐρετικῆσ, καὶ παντοδαπῶν καὶ οὐ πάνυ σπουδαίων ἀνθρώπων γιγνομένησ, τὰσ τιμὰσ ἑκάστοισ οὐκ ἂν δύναιτο ὀρθῶσ ἀποδιδόναι τισ.