Plato, Laws, book 4 7:

πρόσοικοσ γὰρ θάλαττα χώρᾳ τὸ μὲν παρ’ ἑκάστην ἡμέραν ἡδύ, μάλα γε μὴν ὄντωσ ἁλμυρὸν καὶ πικρὸν γειτόνημα· ἐμπορίασ γὰρ καὶ χρηματισμοῦ διὰ καπηλείασ ἐμπιμπλᾶσα αὐτήν, ἤθη παλίμβολα καὶ ἄπιστα ταῖσ ψυχαῖσ ἐντίκτουσα, αὐτήν τε πρὸσ αὑτὴν τὴν πόλιν ἄπιστον καὶ ἄφιλον ποιεῖ καὶ πρὸσ τοὺσ ἄλλουσ ἀνθρώπουσ ὡσαύτωσ. παραμύθιον δὲ δὴ πρὸσ ταῦτα καὶ τὸ πάμφοροσ εἶναι κέκτηται, τραχεῖα δὲ οὖσα δῆλον ὡσ οὐκ ἂν πολύφορόσ τε εἰή καὶ πάμφοροσ ἅμα·