호흡부호 보기
강세부호 보기
장단부호 보기
작은 Iota 보기
모든 부호 보기
τούτου δὲ φθαρέντοσ, οὔθ’ ἡ τῶν ἀρχόντων βουλὴ ὑπὲρ ἀρχομένων καὶ τοῦ δήμου βουλεύεται, ἀλλ’ ἕνεκα τῆσ αὑτῶν ἀρχῆσ, ἄν τι καὶ σμικρὸν πλέον ἑκάστοτε ἡγῶνται ἔσεσθαί σφισιν, ἀναστάτουσ μὲν πόλεισ, ἀνάστατα δὲ ἔθνη φίλια πυρὶ καταφθείραντεσ, ἐχθρῶσ τε καὶ ἀνηλεήτωσ μισοῦντεσ μισοῦνται· ὅταν τε εἰσ χρείαν τοῦ μάχεσθαι περὶ ἑαυτῶν τοὺσ δήμουσ ἀφικνῶνται, οὐδὲν κοινὸν ἐν αὐτοῖσ αὖ μετὰ προθυμίασ τοῦ ἐθέλειν κινδυνεύειν καὶ μάχεσθαι ἀνευρίσκουσιν, ἀλλὰ κεκτημένοι μυριάδασ ἀπεράντουσ λογισμῷ, ἀχρήστουσ εἰσ πόλεμον πάσασ κέκτηνται, καὶ καθάπερ ἐνδεεῖσ ἀνθρώπων μισθούμενοι, ὑπὸ μισθωτῶν καὶ ὀθνείων ἀνθρώπων ἡγοῦνταί ποτε σωθήσεσθαι.
호흡부호 보기
강세부호 보기
장단부호 보기
작은 Iota 보기
모든 부호 보기