Plato, Laws, book 3 128:

εἰρήσθω ταῦτα ἢ πῶσ ἡμῖν; πάνυ μὲν οὖν εἰρήσθω σαφῶσ. ταῦτα μὲν τοίνυν ἡμᾶσ ἐπὶ πλέον ἐποίησεν εἰπεῖν ἡ Περσῶν πέρι διάσκεψισ τῆσ πολιτείασ· ἀνευρίσκομεν δὲ ἐπὶ ἔτι χείρουσ αὐτοὺσ γεγονότασ, τὴν δὲ αἰτίαν φαμέν, ὅτι τὸ ἐλεύθερον λίαν ἀφελόμενοι τοῦ δήμου, τὸ δεσποτικὸν δ’ ἐπαγαγόντεσ μᾶλλον τοῦ προσήκοντοσ, τὸ φίλον ἀπώλεσαν καὶ τὸ κοινὸν ἐν τῇ πόλει.