Plato, Laws, book 3 68:

φέρε δή, πάντων ἀνθρώπων ἐστὶ κοινὸν ἐπιθύμημα ἕν τι τὸ νῦν ὑπὸ τοῦ λόγου δηλούμενον, ὡσ αὐτόσ φησιν ὁ λόγοσ; τὸ ποῖον; τὸ κατὰ τὴν τῆσ αὑτοῦ ψυχῆσ ἐπίταξιν τὰ γιγνόμενα γίγνεσθαι, μάλιστα μὲν ἅπαντα, εἰ δὲ μή, τά γε ἀνθρώπινα. τί μήν; οὐκοῦν ἐπείπερ βουλόμεθα πάντεσ τὸ τοιοῦτον ἀεί, παῖδέσ τε ὄντεσ καὶ ἄνδρεσ πρεσβῦται, τοῦτ’ αὐτὸ καὶ εὐχοίμεθ’ ἂν ἀναγκαίωσ διὰ τέλουσ; πῶσ δ’ οὔ;