호흡부호 보기
강세부호 보기
장단부호 보기
작은 Iota 보기
모든 부호 보기
καὶ τόδε γε ἔτι τοῖσ τότε ὑπῆρχεν οὐ σμικρὸν εἰσ ῥᾳστώνην τῆσ θέσεωσ τῶν νόμων. τὸ ποῖον; οὐκ ἦν τοῖσ νομοθέταισ ἡ μεγίστη τῶν μέμψεων, ἰσότητα αὐτοῖσ τινα κατασκευάζουσιν τῆσ οὐσίασ, ἥπερ ἐν ἄλλαισ νομοθετουμέναισ πόλεσι πολλαῖσ γίγνεται, ἐάν τισ ζητῇ γῆσ τε κτῆσιν κινεῖν καὶ χρεῶν διάλυσιν, ὁρῶν ὡσ οὐκ ἂν δύναιτο ἄνευ τούτων γενέσθαι ποτὲ τὸ ἴσον ἱκανῶσ· ὡσ ἐπιχειροῦντι δὴ νομοθέτῃ κινεῖν τῶν τοιούτων τι πᾶσ ἀπαντᾷ λέγων μὴ κινεῖν τὰ ἀκίνητα, καὶ ἐπαρᾶται γῆσ τε ἀναδασμοὺσ εἰσηγούμενον καὶ χρεῶν ἀποκοπάσ, ὥστ’ εἰσ ἀπορίαν καθίστασθαι πάντ’ ἄνδρα.
호흡부호 보기
강세부호 보기
장단부호 보기
작은 Iota 보기
모든 부호 보기