Plato, Laws, book 3 50:

καὶ μὴν τοῦτό γε οἱ πολλοὶ προστάττουσιν τοῖσ νομοθέταισ, ὅπωσ τοιούτουσ θήσουσιν τοὺσ νόμουσ οὓσ ἑκόντεσ οἱ δῆμοι καὶ τὰ πλήθη δέξονται, καθάπερ ἂν εἴ τισ γυμνασταῖσ ἢ ἰατροῖσ προστάττοι μεθ’ ἡδονῆσ θεραπεύειν τε καὶ ἰᾶσθαι τὰ θεραπευόμενα σώματα. παντάπασι μὲν οὖν. τὸ δέ γ’ ἐστὶν ἀγαπητὸν πολλάκισ εἰ καί τισ μετὰ λύπησ μὴ μεγάλησ δύναιτο εὐεκτικά τε καὶ ὑγιῆ σώματα ἀπεργάζεσθαι. τί μήν;