Plato, Laws, book 3 48:

γέγονεν δὴ τάδε· βασιλεῖαι τρεῖσ βασιλευομέναισ πόλεσιν τριτταῖσ ὤμοσαν ἀλλήλαισ ἑκάτεραι, κατὰ νόμουσ οὓσ ἔθεντο τοῦ τε ἄρχειν καὶ ἄρχεσθαι κοινούσ, οἱ μὲν μὴ βιαιοτέραν τὴν ἀρχὴν ποιήσεσθαι προϊόντοσ τοῦ χρόνου καὶ γένουσ, οἱ δέ, ταῦτα ἐμπεδούντων τῶν ἀρχόντων, μήτε αὐτοὶ τὰσ βασιλείασ ποτὲ καταλύσειν μήτ’ ἐπιτρέψειν ἐπιχειροῦσιν ἑτέροισ, βοηθήσειν δὲ βασιλῆσ τε βασιλεῦσιν ἀδικουμένοισ καὶ δήμοισ, καὶ δῆμοι δήμοισ καὶ βασιλεῦσιν ἀδικουμένοισ.