Plato, Laws, book 2 84:

τετταράκοντα δὲ ἐπιβαίνοντα ἐτῶν, ἐν τοῖσ συσσιτίοισ εὐωχηθέντα, καλεῖν τούσ τε ἄλλουσ θεοὺσ καὶ δὴ καὶ Διόνυσον παρακαλεῖν εἰσ τὴν τῶν πρεσβυτέρων τελετὴν ἅμα καὶ παιδιάν, ἣν τοῖσ ἀνθρώποισ ἐπίκουρον τῆσ τοῦ γήρωσ αὐστηρότητοσ ἐδωρήσατο τὸν οἶνον φάρμακον, ὥστε ἀνηβᾶν ἡμᾶσ, καὶ δυσθυμίασ λήθῃ γίγνεσθαι μαλακώτερον ἐκ σκληροτέρου τὸ τῆσ ψυχῆσ ἦθοσ, καθάπερ εἰσ πῦρ σίδηρον ἐντεθέντα γιγνόμενον, καὶ οὕτωσ εὐπλαστότερον εἶναι;