Plato, Laws, book 2 27:

καὶ παρὰ ταῦτ’ οὐκ ἐξῆν οὔτε ζωγράφοισ, οὔτ’ ἄλλοισ ὅσοι σχήματα καὶ ὁποῖ’ ἄττα ἀπεργάζονται, καινοτομεῖν οὐδ’ ἐπινοεῖν ἄλλ’ ἄττα ἢ τὰ πάτρια, οὐδὲ νῦν ἔξεστιν, οὔτε ἐν τούτοισ οὔτε ἐν μουσικῇ συμπάσῃ. σκοπῶν δὲ εὑρήσεισ αὐτόθι τὰ μυριοστὸν ἔτοσ γεγραμμένα ἢ τετυπωμένα ‐ οὐχ ὡσ ἔποσ εἰπεῖν μυριοστὸν ἀλλ’ ὄντωσ ‐ τῶν νῦν δεδημιουργημένων οὔτε τι καλλίονα οὔτ’ αἰσχίω, τὴν αὐτὴν δὲ τέχνην ἀπειργασμένα.