Plato, Laws, book 1 152:

οὐκοῦν ταῦτά ἐστι πάντα ἐν οἷσ ἐσμὲν τοιοῦτοι, θυμόσ, ἔρωσ, ὕβρισ, ἀμαθία, φιλοκέρδεια, δειλία, καὶ ἔτι τοιάδε, πλοῦτοσ, κάλλοσ, ἰσχύσ, καὶ πάνθ’ ὅσα δι’ ἡδονῆσ αὖ μεθύσκοντα παράφρονασ ποιεῖ; τούτων δὲ εὐτελῆ τε καὶ ἀσινεστέραν πρῶτον μὲν πρὸσ τὸ λαμβάνειν πεῖραν, εἶτα εἰσ τὸ μελετᾶν, πλὴν τῆσ ἐν οἴνῳ βασάνου καὶ παιδιᾶσ, τίνα ἔχομεν ἡδονὴν εἰπεῖν ἔμμετρον μᾶλλον, ἂν καὶ ὁπωστιοῦν μετ’ εὐλαβείασ γίγνηται;